Tge datti pli bel che da sa retrair en in’oasa da ruaus cun in bun cudesch enta maun? Laschar dar l’aura per ils lareschs, sa surdar a l’autur(a) che prenda ins per il maun, sfundrar en istorgias plain tensiun e fantasia e suandar il travasch e las aventuras dals protagonists…
La rubrica lecturas cumpiglia per l’ina la belletristica, pia raquints e romans ficziunals. Alura tutgan tiers columnas, glossas e blogs che tractan savens impressiuns ed opiniuns persunalas. E la terza gruppa furman diaris da viadi e reportaschas da tut gener.
Ultimas contribuziuns
Bruno Blogg
«In blogger sun jau, betg in bist static. Bloggar n’ha da far nagut cun bloccar, il cuntrari. Las novas pussaivladads lubeschan a mintgin da far attent a l’atgna opiniun. Jau sun enconuschent sco Bruno Blogg e conversesch cun mes enconuschents e main enconuschents via facebook e twitter.»
Cun velo tras la Rumenia
«Ina saira, suenter avair passà Agnita en Transilvania, ma salidani, be da lunsch, dentant marcantas en lur identitad: las autas Carpatas! (…) Mi’olma muntagnarda sa dasda ed jau ma legrel da surmuntar las muntognas dentadas gia damaun, sur l’enconuschent Pass Fagarasan.»
Errur e reconciliaziun
Il relasch rumantsch e tudestg dad Alexander Balletta (1842–1887) cumpiglia tranter auter descripziuns da viadi, isanzas, schurnalistica politica e lavurs istoricas. En pli las novellas ‹Alfred› (tudestg), ‹Ina sempla historia›, ‹Bien di, bien onn, dei biemaun› ed ‹Errur e reconsiliaziun›.
MAGLIACUDESCHS 