Cudeschs per pitschens e cudeschs per gronds, cudeschs stampads e cudeschs digitals, cudeschs per las vacanzas e cudeschs per il studi, cudeschs satigls e da quels propi gross…
Bainvegni tar il blog da cudeschs da chattà.ch!
Lecturas
Tge datti pli bel che da sa retrair en in’oasa da ruaus cun in bun cudesch enta maun? Laschar dar l’aura per ils lareschs, sa surdar a l’autur(a) che prenda ins per il maun, sfundrar en istorgias plain tensiun e fantasia e suandar il travasch e las aventuras dals protagonists…
Tematic
S’approfundar en linguas e culturas da tut il mund? Scuvrir epocas istoricas e biografias captivantas? Chapir connexs politics, economics e socials? Emprender d’enconuscher terras estras u refrestgentar la savida davart la flora e fauna? Tut quai e bler dapli porschan ils texts tematics.
Uffants e giuvenils
Cudeschs da maletgs, versets e poesias, istorgias da preleger, ditgas e paraulas, emprimas lecturas per il stgalim bass, texts tematics, comics, umor e passatemp, classichers da la litteratura d’uffants, patratgs e sentiments, aventuras e fantasy, quiz e rumpatestas, lecturas per giuvenils.
